CeBIT 2012 - tur med Turbuss Vest og Data Consult Nesbyen as

For sjuande året på rad arrangerer vi tur til CeBIT i Hannover.

Turen går med buss frå Bergen til Oslo via Hallingdal, med båt til Frederikshavn og vidare med buss gjennom Danmark  til Tyskland. Vi overnattar i den vesle landsbyen Düshorn om lag sju mil nord for Hannover, og får to heile dagar på messa. Returen går langs vegen til Kiel og med båt derfrå til Oslo.

Denne turen har ikkje fastlagt pris i utgangspunktet. Vi summerer kostnadene og fordeler over deltakarane. I fjor var prisen per person i enkeltrom/enkeltlugar ca 10000, vi reknar med at det blir litt høgare i år. Ledsagerpris i fjor var 3500. Jo fleire som kan tenkje seg å overnatte i dobbeltlugar/dobbeltrom, di lågare vert prisen. Dobbeltrom er billegare enn enkeltrom - og vi blir fleire til å dele på busskostnaden.

Prisen for turen i 2012 vil inkludere:

• Bussreise
• Lunsj på Gol for dei som kjem på bussen før Gol.
• Båtreise med enkeltlugar (dobbeltlugar for dei som har med ledsager)
• Middagsbuffet og frukost på båten begge vegar. (NYTT)
• Lunsj på båten frå Kiel til Oslo. (NYTT)
• 3 overnattingar på enkeltrom (dobbeltrom for dei som har med ledsager) på vertshuset "vårt" i Düshorn.
• Frukost etter overnatting på vertshuset.
• Inngangsbillettar til CeBIT
• Lunsj på Gol for dei som skal reise lenger enn til Gol på returen.

Det du må ha pengar til utanom turprisen:

• Middagar på vertshuset (prisen på ein hovudrett varierer mellom 8 og 18 €)
• Lunsj i Harrislee/Flensburg (alt etter kor vi stoppar) på veg til Hannover.
• Lunsj på messa
• Eventuell trikke/togbillett frå messa til sentrum om du har tenkt deg på handletur i Hannover.
• Det du har tenkt å handle i butikkane…. (det er ikkje sal av anna enn mat/drikke på messa).

Gå til detaljert program

Påmeldingsfrist: 19. januar.

Gå til påmeldingsskjema

Det er no
11
som har meldt seg på turen
til CeBIT 2012